呢架Altezza當初已砌到八八九九，車頭入風口鑽空及貼上尼龍網，但去到最尾噴車殼時噴得唔合心意所以丟低爛尾。近日攞出來發覺大部份parts還在，唯獨車頭、尾透明燈罩已不知所縱，既然唔可以100%完成到唯有拎去劏！
但未將它拆骨前覺得既然已砌好大半，不如臨劏前用來練習吓改裝，將整架車low低。
先攪頭轆，將支撐頭轆的shocks鋸短約1.5mm，在中央鑽窿插入鐵枝強化番上下分開了的駁口。
左右shocks改短前後的分別。
改第二枝shocks時一定要與另一枝相等長度，如果唔係low低咗之後架車會變了三轆著地。
shocks改短後連接不到前輪的上下連接點，要將下連接點加番厚。
前輪攪掂！
後輪的支撐不是左右獨立組成，可以low低的幅度有限，只可以將左右剎車碟略略移高些少至銅棒仍可通過中間。
改完前後轆後拼埋車殼發覺左邊轆與輪拱之間減少了的空位好似明顯過右邊。
原來當裝嵌入車殼後左右邊的幅度唔一樣，駕駛艙右邊某些地方會頂著車殼，所以右邊冇左邊嵌得咁入，但經略略收改後兩邊都平衡番。
改造前 改造後
改裝已經完成了，除非可以搵番頭、尾燈罩，否則遲啲就會將佢斬件攞番有用嘅parts。
相關網誌：
Fujimi - 1:24 Toyota Altezza RS200 (restoration)
你好，请问这部车 模型还有卖吗？
ReplyDelete