一盒長谷川舊模型，係一位朋友開始砌咗冇幾耐唔想繼續砌送咗比我，擺低咗好多年後最近攞番出來發覺張水紙已經變黃哂，睇個樣可能啲貼紙已經「食」咗落張底紙浸唔甩，浸得甩都應該會碎哂。盒模型已經係絕版，唔想因為張水紙而掉咗佢，在網上找到有after market嘅相同水紙賣，所以決定試吓攪一攪佢。
之前朋友完成的部份，駕駛艙基本上已砌好(直砌)，車尾兩邊的飛機尾翼已鋸去，鋸口已打磨好。初初開始砌時未打算補買番張新水紙，要視乎車殼顏色噴成點再算。
車殼內部先噴半啞黑(#92)。
外面噴底漆...
全部顏色位都是依照盒面架車度位，說明書的指示圖好混亂，而且又唔係彩色。首先噴紅色(#79)...
...再噴黑色(GX2)。
來到紅色部份的四條黑間條，雖然水紙有包埋，但覺得自己噴效果出來會好啲。
開始準備噴第一條間，花了相當多時間度位黐膠紙，噴咗第一條間後諗住放棄其餘三條用番水紙，但當撕開膠紙時又覺得噴得唔錯所以又繼續做埋落去...
...第二條...
...第三、四條。
四條間攪掂，噴得都算ok，決定去定水紙！
趁水紙未寄到先完成其餘部份，轆拎噴中黑銀邊。看到車尾engine部份乜parts都冇，好失望！
車頭燈只是將燈罩黐在一塊平面底板，感覺完成後會冇乜立體感。
為加強立體感加建番個燈箱，先用多餘的模型parts加厚底板背面。
在燈位圓圈中間鑽窩造燈箱。
水紙終於寄到來，立刻動工...！
... 不消半個鐘！
車殼貼好貼紙及噴好光油。
打磨一下後，再黐埋其餘parts，攪掂！
後記，post咗之後發覺忘記咗車頂枝天線，補番兩張天線相。
兩款同年Group C賽車。
No comments:
Post a Comment