LEGO - New Land Rover Defender

[WIP: 29/12/2019 - 30/12/2019]

剛過去的聖誕節收到這份大禮，雖一向對LEGO興趣不大，但收到時都很興奮。

這是LEGO最新出品─Land Rover New Defender，直至現在連1:1真車都未有得賣！全套共有2,572個組件，組裝分開四個部份：第一部份砌後輪傳動系統及懸掛；第二部份砌前傳動系統、引擎、前懸掛、車廂等；第三部份砌、後部份車身；第四部份砌前部份車身及車頂行李架細節。

LEGO 跟其他模型一樣，一開始了就停不下來，結果用了兩天時間就把它完成了，趕及在2019完成模型名單中臨收爐前再添一員！

第一部份完成。


第二部份完成。














Facebook

Portable light box kit

提早來臨的聖誕禮物，手提式攝影用燈箱和發光板。


燈箱+發光板                                          燈箱+黑膠片背景


燈箱+黑膠片背景+柔光罩                      燈箱+白膠片背景


燈箱+白膠片背景+柔光罩                      燈箱+白膠片背景+柔光罩+發光板



燈箱+黑光面咭紙

Beverly - "The Starry Night" by Vincent van Gogh (1000 pieces)

[WIP: 11/5/2018 - 13/7/2018]

砌模型砌到悶悶地搵另類玩意虐待吓自己...對眼──是1000塊砌圖，還要是微型版。砌的是梵高的名畫─The Starry Night。

每粒砌圖的大小都較正常的細，加上畫中雜亂無章的筆跡和沒甚多大的顏色變化，砌起來更加艱難和用神！砌圖背後都有四種不同記號有助分開那一些砌圖屬某四分一的版面。


首先篩選有直邊的砌圖粒先砌好外框，再將背後四種不同記號的砌圖粒分開。有些夾雜兩種不同記號的砌圖粒也篩選出來砌出縱橫的中間線。


之後就逐一將同一記號砌圖粒完成四分一的版面。版面下半部份的記號是撲克梅花及三角形，較易分別到砌圖粒的上下直橫擺放；上半部則是橫間及圓點，橫間只可分辨出每粒的直橫擺放，圓點就上下直橫擺放都有可能。經過停吓、砌吓的進度下，整幅砌圖在大約兩個月的時間完成。


放入畫框內正式完成。

另類水紙

如果模型嘅碳纖紋都可以咁貼法就正啦！

Spray Booth, making of

一路以來噴模型油都要擇日擇時間做，要等到夜闌人靜才可以入廚房擺檔開工，皆因家人常有微言話唔衛生，這亦無可厚非畢竟廚房是整嘢食的地方噴油會釋放有毒物質，所以廚房絕對不是一個用作噴油的地方。但可惜家中只有廚房才有抽風機，所以逼住要在廚房進行。每次進行噴油前都要做一大輪準備功夫例如開大哂啲窗、開行抽氣扇和收埋所有見到的食具和食物才開始。噴完後又要做一大輪善後，好不麻煩！

因此一直都想有個噴油箱可以在房內進行噴油，又不會攪到成間房都係油味，坊間雖有些現成的噴油箱但索價成千元一個，好貴唔捨得買，放且我知道有好多師兄師姐的噴油箱都係自製的，所以應該唔一定要買現成嘅。因家中地方淺窄不可能整一個固定的噴油箱，噴完一定要收得番埋唔阻地方。

趁近年尾冇乜心機砌模型，多著時間的起心肝上網摷啲DIY噴油箱資料(原來都唔少)，其中一個在網上搵到嘅比較可取，所以照辦煮碗買材料回來自己動手做。

材料：塑膠儲物箱、玻璃膠(日頭城)；直徑六吋的再封食物盒、抽油煙機的過濾綿(雜貨店)；直徑六吋的抽氣扇(鴨記)；直徑六吋長六呎的風琴式抽氣喉(新填地街至痕)；光管燈(電器舖)；燒烤網(超市)。可惜我唔係一次過買哂所有材料，不能先來張大合照。

開工：
首先用辣雞將食物盒的蓋中央和盒底溶開再打磨好溶口


用辣雞以同一方法在儲物箱底開一個直徑和食物盒盒蓋相約嘅窿，兩側開兩個小窿作固定抽氣扇的鏍絲位，在箱底近角處開個窿讓抽氣扇和光管燈的電線通過。打磨好切口後將抽氣扇安裝在箱底的內部。


裝上光管燈和駁好電線後，噴油箱內部大致完成。駁上電源，初步測試成功！


下一步是裝設抽風喉。先將食物盒盒蓋和盒身合上，將盒身套入風琴喉中，用索圈索緊盒身。取出盒蓋用夾固定在箱底上的位置，唧上玻璃膠將整個盒蓋周邊黐實。因玻璃膠需時乾透，所以留到最後才做這步驟。


整個工程大致完成，但還要加裝抽氣過濾減低噴油產生出來的飛沫排放。唔係嘅話我就舒服；街外啲人就中哂毒！先裁一塊對摺同抽氣扇面積相若的燒烤網套在抽氣扇前面，再裁一幅同樣大小的抽油煙機用的過濾綿，將過濾綿放在對摺燒烤網的中間，用萬字夾夾實。

等了兩日玻璃膠乾透後放開夾子及裝上抽氣喉，初初都好似好隱陣，但當抽氣喉扯得太行時，一部份的駁口被輕微扯開，我見駁口不是那麼隱固索性將整個蓋扯甩，果然唔使好大力就已經整個扯甩，得出的結論是玻璃膠不能承受太大的扯力，長此下去遲早都會甩！冇辦法唯有再諗過第二個隱固啲嘅辦法啦...！

為求令抽氣喉駁口更加隱固決定加裝四枚小鏍絲鑲在盒蓋裏。首先取出藏在盒蓋內的藍色膠圈，用辣雞分別在盒蓋和箱底同一位置開四個小窿，從盒蓋裝上鏍絲，因鏍絲太長會頂住抽氣扇，上緊後要從箱底內部鋸短露出的鏍絲。


之後裝回抽氣扇及膠圈再駁上抽氣喉，今次隱陣得多！收藏方面亦很理想。

急不及待測試吓抽風效果。首先在箱內舖上報紙及駁上抽氣喉，固定後開抽氣扇感覺到有風從箱內吹出來，報紙亦輕微被谷起，當嘗試噴畢地時有很多飛沫吹番出來，可能是駁口漏風，要再加玻璃膠封實。測試完後發覺過濾綿亦黐滿畢地粉末，証明抽氣扇也有發揮其作用。


收補漏風問題，再用玻璃膠將盒蓋周邊黐實。今次有四枚鏍絲掹住不是單靠玻璃膠，所以應該冇問題。待乾透後再進行測試，這次沒有感到有風吹出來，報紙亦沒有被谷起，問題應該解決了。但當噴畢地時，仍有飛沫吹出來但沒有上次般嚴重，相信是對著密封箱底噴油反彈出來的現象，無可避免。如各位師兄師姐認為我的理解是錯的，不妨留言教吓小弟個噴油箱究竟有甚麼出了錯。

雖然這個噴油箱不是十全十美，但都收貨啦...！以後唔使等到半夜三更先至可以噴油啦！

最後要特別多謝blog友Carman提供木箱給我改裝做噴油箱，雖然冇用到個木箱，但卻啟發到我自製噴油箱的念頭。

Educa - Puzzle 2000 Panorama (Cans) Part 2

上星期終於砌完啦！今日還裱埋入埋架，成副砌圖用咗差不多廿個鐘砌好，都算快啦不過副砌圖有好多圖案所以唔難砌。但面積咁大幅唔知掛响邊度好，唯有暫時將它收藏好遲些再作打算！

Educa - Puzzle 2000 Panorama (Cans) Part 1

一連四日嘅復活節假眨吓眼又過去，四日假期都係留港消費。有日行街去到一間賣砌圖的舖頭，見到一幅完成咗以汽水罐做主題嘅二千塊砌圖好吸引，幅砌圖好長，砌好後有成136cm x 48cm ﹝約四呎半乘一呎半﹞咁大。連埋畫框盒砌圖賣成幾嚿水，因一時興起，所以就立即拍板買盒虐待吓自己。運送途中都幾「論盡」一手攞住盒砌圖；一手攞住個大畫框去搭巴士，好彩架巴士冇人搭，可以將個畫框佔哂成張後排位。
經過四日停吓砌吓終於完成咗八成，但餘下嗰兩成都幾難砌。