又係上次那架Altezza嘅dummy car。上次玩low低，今次玩洗油。之前都清洗過一些舊模型車殼重新噴油，清洗液係模型油專用嘅thinner，俗稱「開油水」，皆因開油水的腐蝕性冇工業用嘅「天拿水」咁強，唔會一吓就連油帶殼「乸」成一嚿，但開油水的價錢唔平，如果密密洗條數好襟計。最近在網上看到有些師兄話用工業用嘅「化白水」都可以做到同樣洗油效果，又唔會一吓就乸溶個車殼，價錢又比開油水平。既然有人試過，我又來試吓。
在五金舖買了一罐1公升化白水(最少都要買1公升)，價錢係一樽大開油水嘅一半。
開始洗油，之前噴嘅油係孖星琺瑯油，初初唔知呢隻化白水有幾強，一開始只用捽的方法洗車頭蓋，覺得強度和開油水差不多。
為加快速度於是用一樽18ml模型油份量的化白水搗入密實袋洗成個車殼...
...但始終唔清楚化白水對膠嘅腐蝕性有幾強所以唔敢浸太耐，浸咗約十零分鐘，除咗大部份油表面都出現「撲」的現象外，之前黐好的尾泵把都浸甩埋，拿車殼出來刮清所有油漬，除了有些隙縫的油刮唔甩外，差不多99.5%都清除到，之後用牙刷沾點「省瓷粉」將整個車殼省乾淨。等個殼完全乾涸後(約1-2日)再用1500號沙紙濕磨清除殘留的舊油。
黐番好前後泵把後又覺得low低咗之後架車睇落幾型仔於是決定唔劏住重新上油，雖然前後燈罩仍然下落不明。
上次噴金色，今次轉噴steel (#28)。家吓興啞色車身，所以不打算噴光油，慳好多功夫！
攪埋啲手尾，又少一架爛尾車！
相關網誌：
Fujimi - 1:24 Toyota Altezza RS200 (experimental dummy car)
No comments:
Post a Comment