Fujimi - 1:72 Westland SeaKing "Flying Tiger"

另一盒之前砌落的飛機模型，好一段日子前曾砌過一架紅色直昇機覺得幾有興趣，砌好之後又想砌多架，所以平平地買了呢盒，但砌咗一半又凋底咗，製作過程blog亦只寫了一半！

呢架又係1:72模型，唔會太大或太細但size比之前紅色那架大。對呢架機認知唔多，但網上搵到頗多參考圖片。

先來個假組機身發覺兩邊前後唔係咁吻合，要批走哂釘口自行度位合上。


機艙有幾個密封的窗口預留比唔同版本用，將所有唔會打開的窗口加以密封以免會滲光，機身內壁油上啞黑(#33)及深灰色(#331)。


機頭對落兩個圓圈印其實係兩盞射燈，與其用模型提供的貼紙貼上代表，我將兩個圓圈鑽通然後用補土填補再造番燈內膽形狀。


機艙若依照說明書只是放兩張長椅，但我就將所有parts都擺哂入去。


兩邊起落架內面先油上啞白(XF-2)才黐埋。


內部總算攪掂，將兩邊機身合上，先由尾部開始局部將兩邊對啱位黐實。將所有內艙露出的地方和窗口用膠紙密封。將所有機殼的配件噴上指定的灰色(#335)。


主鏍旋槳唔想逐一上色，先加條膠條先固定五支槳然後才與其他parts分開。


底部噴上啞黑(#33)面部則噴上深灰色(#331)。槳上黃色間條不是貼紙，是自行噴上的。


窗口噴上窗框，頭頂兩塊玻璃窗噴上透明綠(GX104)。


裝嵌埋剩餘零件，今年第三件完成品攪掂！