砌得車車多悶悶地砌吓飛機，大比例嘅驚砌唔掂，先來架1:72嘅直昇機。咁細比例加上唔係日本貨預咗好多細節都唔會有而且夾口都會差啲，參考咗啲真機圖片後，發覺機身鋼板的夾口位和柳釘都完全欠奉，反而多咗度有窗嘅機門。但諗住直砌加上自己唔在行砌機，所以都冇乜所謂。
首先組合機艙的地台及控制台，這組件要和機身一拼組合，地台和機艙內壁噴上啞淺灰色(#36)；控制台則噴上啞深灰色(#40)。
因機艙在組合兩邊機身時便要裝上，當噴機身的顏色時要將整個機艙遮蓋住，機艙座位可以等到完成機身顏色後才黐上，機艙的窗位用膠紙封住。
組合機頂引擎艙及機身，跟着打磨中間條駁口線。因我不想機轆外露，所以將後轆冚預先黐上，但模型本身沒有提供前轆冚，可能要自行製造。
完成好打磨工序後可以噴白色底漆。噴好後上鮮紅色，尾鏍旋扇葉框部份是白色，在噴紅色前先剪兩個相若的圓貼紙蓋住。
機頂引擎艙和鏍旋槳噴上白色。
開始黐水紙。一開始就已經發覺水紙印錯，機尾白色間應是由右至左傾斜藍線靠機尾，但水紙卻是由左至右。唯有將藍線分開貼。
攪咗一輪，終於黐哂水紙，但白色部份太薄透哂底！
根據參考圖片，鏍旋槳面應是黑白間，槳末端是橙黃色；鏍旋槳底面全黑色。
油埋玻璃上的框框和其他配件，第一架飛機模型算是草草地完成。窗與窗之間有啲夾口唔係咁夾加上手工麻麻，有很大進步空間。
相關網誌：Fujimi - 1:72 Westland SeaKing "Flying Tiger"
這是舊matchbox的,已是70代的產物.
ReplyDelete[版主回覆07/26/2010 14:57:00]乜Matchbox曾經出過模型咩？原來這件係70年代嘅產品，唔怪得啲造工和細節做得咁求其啦！
請過來看我的blog---gouf23,指點一吓我的制作
ReplyDelete請過來看我的yahoo blog---gouf23,指點一吓我的制作
ReplyDelete[版主回覆07/26/2010 15:00:00]你係唔係指嗰個砌緊中國坦克嘅blog？已經回應咗啦！
嘩，砌得好正呀 我都砌車砌到悶，不過諗住快少少砌晒就算了。
ReplyDelete[版主回覆12/14/2010 02:59:00]我都係因為砌車砌到悶才平平地買盒飛機來調劑吓咋！不過砌落又好似幾有興趣...！但我砌飛機唔係咁在行，呢架都係照住個圖砌。