最近有朋友入咗部iPad下載了些遊戲，其中一款駕車遊戲左右搖吓架機架車就會左右轉彎，幾過癮但就超難控制，每次玩都好似醉駕咁左搖右擺，撞完左邊就撞右邊！每次都係包尾大班過終點，都幾有挫敗感！
那位朋友在遊戲中買了架車車，係萬事得嘅MX5，揀了金屬粉紅色油作車身顏色，雖然隻色有啲騎呢，但睇落又好似幾獨特。有見及此，想臨朋友生日時砌番架類似顏色的車送比佢。
以富記已往鑄模模式，這盒模型在分件上都算散，車頭車尾和裙腳部份都是分開倒，引擎艙內的細節都做得頗精細，泊得住孖星的水準。
首先是將車頭、車尾和裙腳裝上，車頭蓋是嵌入車頭的框框內，所以也要預先試裝上度位。車殼的parts裝嵌上倘算冇乜問題。
車底的細節也做得幾好，但可惜砌好後睇唔到。
攪掂車底後砌引擎，都是照著說明書砌。車身噴上白色底漆後先噴上粉紅色(#63)，然後再噴上透明銀色(#159)。這種顏色會改變粉紅色的鮮艷度，噴得不平均更會出現一撻撻深淺色的現象，所以噴時離車身遠點和盡量輕手點，期間要常常留意整體顏色的色調是否平均。座椅和軟蓬(雖然遊戲機中的車沒有蓬)則噴上遊戲機中的深啞啡色(水性油#406)。
車廂方面本來想配合番座椅的顏色，但最後都是選擇了全黑色。儀錶版中央噴上深銀色。
車殼噴了光油及拋光後，黐埋車玻璃、燈和其他零件以為已經攬掂，但細看下原來車頭燈對落的兩盞射燈框框、車頭和車尾最底底都是不同顏色的，唯有將車殼又大包圍一番噴好佢。與此同時，模型所提供撐住車頭蓋的鐵支(膠做)太粗，所以自行用鐵線屈番條代替。
攪掂埋之後，終於可以完工及趕得切在朋友生日時送比佢。但聽聞朋友現在已經升咗呢，換咗車啦！
你咁快又砌起一架, 仲要咁正斗 你朋友實好開心啦 !
ReplyDelete[版主回覆09/23/2011 14:33:00]唔快啦，年頭開波砌到而家 ，只因為朋友生日冇得再拖咋！