Hong Kong Open Model Competition 2009

一年一度為期兩日嘅香港公開模型大賽2009好快又過去了，一連兩日我都有去捧場，是關第一日架相機粒電池唔生鏽，未影完就乾咗，被迫提早收工。第日再去發覺原來miss咗啲正嘢。整體上所有作品都好有水準，兩日內我共噤了三百多吓快門掣！因太多相冇可能全部上載，所以只是上載啲比較影得好啲和較喜歡的作品。

全場最喜歡這個落水狗情境模型，夠創意，layout、材料和舊化都做得一絕，如果條溪澗用埋沙泥做底相信會更加有真實感。套情境攞了季軍。


看完咁多咁高水準嘅傑作後都想下年參與吓！講住先啦！

Fujimi - 1:24 Ferrari 512 BB

好耐冇砌過拉利模型啦，今次砌架七零年代的中古型號的512 BB，架車最特別的地方莫過於車頭兩盞超大size的方向燈及唯一一架用上雙色車身的拉利街車。雖然單色車身睇落較討好，但雙色配搭 (紅或黃配黑) 則夠獨特。

這款模型之前好似未見過，所以應該是新開發的。再者，在車殼的質素唔錯找不到明顯的分模線，所以應該不是復刻版。模型的精細度一般，但很出奇地有埋安全帶插頭，副偈造工就求其，總之一貫富記非EM系列模型嘅水準。

首先是剪下及打磨需要噴底漆的啪士，全部都是車殼和內籠的parts。所有都先噴上灰色底漆，車殼的parts再加多一層白底漆。


車身顏色方面已有定案─噴黃加黑色，內籠則噴棕啡色。首先車殼噴上黃色(#4)和內籠噴上棕啡色(#44 + #7 + #108)。


車殼貼好水紙後噴上光油，趁等光油乾透期間砌好車廂。


光油乾透及打磨後，可以噴埋第二隻主色─半啞黑色(#92)，並噴埋其餘需要噴黑色的parts。包括車底、引擎支架、車尾蓋上兩條panels等。


引擎造工唔係咁精細，又唔想花時間去攪好佢所以只係直砌。放且如果車尾蓋和車身唔係咁啱位的話，分分鍾會黐實佢，引擎就變咗不見天日！


如之前所料，車尾蓋真的唔係好啱位，車尾與車身合埋後有一條很闊的空隙，所以唯有將車尾黐死。此外伸縮車頭燈亦都唔係咁貼，所以也一併黐埋。攪埋啲手尾，又攪掂一盒模型！！

Schuco - 1:24 Land Rover Defender 110

嘩，咁快又砌好一架...！？非也，今次呢架係即食嘅，唔使砌。

有日在MK逛模型舖。行過一間賣現成模型車嘅舖頭見到有這架我期待已久的模型車賣，仲係1:24比例添，雖然唔係kit，但精細度和顏色都幾合心水，加上價錢又幾相宜，所以二話不說立即拍板。

這架是Die Cast車，雖不屬於特別精細嗰類，但很多細節都交到貨，起碼睇落去冇乜嘢地方睇唔順眼，放且以其價錢相比都算OK啦。

呀，仲有呢架唔使封後窗和加鐵網咖，正！

Tamiya - 1:24 Porsche 935 "Martini"

學生時代曾砌過一架1:20嘅935 Martini，那時最頭痛嘅係貼水紙，記憶中當時唔係貼得咁好又裂又摺埋哂，如果有機會的話一定會再試過，但可惜那款模型一直都冇番出。

這盒模型响環記做緊六折，見百零元盒唔係太貴所以就拍板入。這是第一次砌1:24版本。外形和1:20版本有頗大分別尤其是尾部，但我比較喜歡1:20版本多啲。在網上看到有些師兄教路，說尾部Martini顏色水紙的連接位唔係咁夾，建議去掉Martini顏色水紙中紅色部份先自行在車殼噴上，我亦會仿傚這個做法。

這盒是N年前的復刻版，所以對模型的質素期望唔高，要花多點時間作前期打磨。車頭有好幾處地方要額外打磨去除，包括頭蓋釘，水撥，油/水箱蓋等。車頭兩側的散熱口會偷薄。


洗淨車殼後可以上色。車殼噴上白底漆後順便將內籠啪士噴上半啞黑，座椅則噴上啞黑。

內籠依照說明書直砌，沒有作任何改裝。轆拎中央先油上啞黑，然後線紋油上金色，因沒有浸掉電鍍層，所以輕輕刮吓啲漆油都會甩。


車殼略加打磨後噴上白色(# GX-1)。乾透後在車殼上劃出Martini水紙上大約紅色的位置，貼上膠紙噴紅色。


在車身紅色位置噴上紅油(#158)，雖然有些地方噴得偏差咗，但周邊的水紙應該會遮蓋得到或執得番。


急不及待黐水紙，首先是黐上尾部份四條Martini顏色水紙，未濕水前先裁去紅色部份，黐好後幾滿意效果，雖然有些地方偏差咗露出白色部份，但略略執吓應該不是大問題。連接前後水紙的方位亦很配合。黐埋其餘水紙後，車殼可以上光油啦！



上完光油後發覺有些少瑕疵。之前貼水紙時有些水紙唔係貼得咁實和忘了落軟化劑，有空氣留在貼紙內，一噴光油後貼紙出現收縮現象。雖然唔係好嚴重，但就美中不足啦！水撥用上其他模型的殘餘物資，油埋窗框及黐埋餘的parts，又攪掂一盒！模型中有埋賽車手figure，諗住遲啲再補上。









早前影相時忘記未貼擋風玻璃上的水紙，現在補番張相。