Educa - Puzzle 2000 Panorama (Cans) Part 1

一連四日嘅復活節假眨吓眼又過去，四日假期都係留港消費。有日行街去到一間賣砌圖的舖頭，見到一幅完成咗以汽水罐做主題嘅二千塊砌圖好吸引，幅砌圖好長，砌好後有成136cm x 48cm ﹝約四呎半乘一呎半﹞咁大。連埋畫框盒砌圖賣成幾嚿水，因一時興起，所以就立即拍板買盒虐待吓自己。運送途中都幾「論盡」一手攞住盒砌圖；一手攞住個大畫框去搭巴士，好彩架巴士冇人搭，可以將個畫框佔哂成張後排位。
經過四日停吓砌吓終於完成咗八成，但餘下嗰兩成都幾難砌。