Tamiya - 1:24 Nismo R34 GT-R Z-tune

前排砌完架R35又想砌埋架R34。

開始砌之前為增強效果先將前指揮燈位和座椅的安全帶窿挖空。


先砌車底，前後懸掛及車轆。細緻度尚可，因冇engine砌所以前懸掛都係好求其。

先用1000號灰色底漆為車殼和車廂零件打底，車廂需要噴紅色的地方再噴一層白色底漆。

先為車廂上色，首先在紅色的部份噴上半啞紅(#108)。

用膠紙黐著紅色部份再噴上半啞黑(#92)，然後執埋車廂其他部份，大功告成。

整完車廂後，著手油玻璃窗框。先用保鮮紙包着外圍作保護，貼上窗面貼紙然後用手塗上窗框。

遲遲唔噴車身因為唔知噴咩色，照計應該噴銀色但睇上去又好似唔係咁辣。把心一橫將全車噴啞黑色，睇吓效果如何。噴後又發覺幾cool喎，又唔使噴光油和拋光慳水慳力。

攪埋啲手尾，又攪o店，食碗麵。