Tamiya - 1:24 Alfa Romeo 155 V6 TI & Museum Collection - decal

舊模型當中有些都有相當歷史，呢盒不是孖星最近番出的復刻模型，而是十幾廿年前砌落但到現今還未完成！

砌呢盒模型一波三節，當時剛剛開始砌番模型，技術麻麻，同時又是初學用噴筆噴油，沒有氣泵只用罐裝壓縮氣，當噴車殼時可能油漆開得唔夠稀或氣罐不夠氣，噴出來一點點豆皮面，因當時不知可以洗油重噴所以唯有照貼上所有拉花，最後當然係極不滿意繼而凋低爛尾！

過了不知幾多年後砌自問模型及噴油的技術都較有進步，拿這盒模型出來看覺得車殼噴得實在太差，而且拉花開始發黃和龜裂脫落(之前沒有噴光油)，於是決定買過另一張水紙洗油重噴。重噴後當然比上一次噴的好好多。不過新買那張水紙是貼了落去要乾後撕走表面薄膜才完成那種，這種水紙好的地方是標貼周圍沒留有透明邊；但不好的地方是當貼在窄的凹凸位上會貼得不夠貼服，撕薄膜時會同時將貼不緊的部份一拼撕走。

黐好哂後發覺車身兩側的拉花移了位黐落咗，有些拉花亦在撕薄膜時甩掉，結果冇哂心機又再次爛尾！


又過了幾年後拿出來看對著車殼仍覺得很無奈但又唔想再重噴皆因對住呢盒模型已很悶，check過哂所有parts都沒有遺失後決定噴埋光油完成佢算了。


















這款Alfa Romeo賽車最近番出，將會再挑戰砌這架車的橙色Jägermeister版本！

Tamiya - 1:24 Mobile 1 SC 2006 + photoetch

繼續完成啲爛尾模型，呢盒當時是在環記做緊半價時買，順便平平地入埋同廠出的蝕刻片，但其實麻麻地鍾意架車，純粹係貪佢平才買！

架車好多貼紙，和剛剛完成了的MB CLK-DTM 2000一樣，都係驚張水紙擺得太耐會老化，所以一早就噴好車殼，貼了水紙，上埋光油，之後又是不了了之！

在網上找到十分有限有關這架車的真車圖片，所以又是只可以依照說明書直砌。模型本身亦不是有太多parts。

雖然很少圖片作參考，但有些地方是可以改善，例如死氣喉下方應是一塊金屬片，模型明顯造得太厚要略略偷薄。


車頭蓋上的導氣口，自己較喜歡開啟角度時的形態。要將導氣口的框框略略改動。


從圖片中葉片看似是兩塊。


來到嘖油，尾窗部份棄用水紙而自行噴上黑色。


最後全車噴上白色(GX1)，黐上貼紙及噴上光油。

------------------ 之前完成的部份就到此為止 ------------------

車殼再上多一兩層光油及打磨、拋光，其餘部份只是依照說明書組裝完成。

Tamiya - 1:24 Merceders Benz CLK DTM 2000 Team Original-Teile

如果是自己收藏嘅，同款模型我好少會砌兩次，當初孖星出CLK-DTM嘅D2拉花時已經第一時間買咗，點知過咗冇耐出埋呢套更正嘅拉花，唯有再買多盒砌！

又繼續清清架上的存貨。呢盒可算是爛尾模型，一出就買唔覺唔覺已有十四年！ 初初驚張水紙擺得太耐會老化，所以當時打算先貼好水紙，遲啲再去完成其餘部份，結果車殼噴好油，黐好貼紙和上了光油，但未打磨及拋光，之後就放低咗十幾年。當時光油噴得麻麻表面有點不平均及厚(可能開得唔夠稀)，所以要徹底磨平舊光油再噴過。經過一番打磨及拋光，車殼總算變番見得吓人，但細看下原來當初黐水貼時，水貼本身已有點微黃！但奇怪是其餘貼紙過了咁多年都冇老化到，仲貼得好貼服，又冇裂。


其餘部份只是依圖直砌，絕無添加，旨求完成，不求完美。