如果是自己收藏嘅，同款模型我好少會砌兩次，當初孖星出CLK-DTM嘅D2拉花時已經第一時間買咗，點知過咗冇耐出埋呢套更正嘅拉花，唯有再買多盒砌！
又繼續清清架上的存貨。呢盒可算是爛尾模型，一出就買唔覺唔覺已有十四年！ 初初驚張水紙擺得太耐會老化，所以當時打算先貼好水紙，遲啲再去完成其餘部份，結果車殼噴好油，黐好貼紙和上了光油，但未打磨及拋光，之後就放低咗十幾年。當時光油噴得麻麻表面有點不平均及厚(可能開得唔夠稀)，所以要徹底磨平舊光油再噴過。經過一番打磨及拋光，車殼總算變番見得吓人，但細看下原來當初黐水貼時，水貼本身已有點微黃！但奇怪是其餘貼紙過了咁多年都冇老化到，仲貼得好貼服，又冇裂。
其餘部份只是依圖直砌，絕無添加，旨求完成，不求完美。
No comments:
Post a Comment