一次過買了四盒二手模型返來見呢盒唔係咁複雜，嗱嗱林先攪掂佢。
先攪車殼，車殼和底盤一次過上底漆和噴油(GX1, 92, XF-16)。來到黐貼紙，水紙睇落保存得好好，只有些微黃但唔明顯，不過仍將所有貼紙飛邊。細看下貼紙表面隱隱約約呈現裂紋，心知不妙但好彩全車貼紙唔多和不是貼在複雜的表面上，散開的情況應該唔會太嚴重。車頭紅色圓點雖有貼紙供應，然而貼紙表面已有裂紋相信會黐到散哂，所以決定自己用紅油(GX3)噴。
雖然貼在平滑的表面上，但亦難免裂開！
儀錶板上五個錶的貼紙同一命運，小心翼翼地都總算貼好，但仍有一個錶衰咗，完成後加層光油(GX100)作保護。
轆拎應該是深古銅色而不是說明書指示的黑色，用黑色和金色(#78+#9)調配自己覺得已很接近原色。剎車碟則改用黑鉄色(#28)取代說明書指示的Metallic Grey 。
本想在引擎處加上喉管電線，將有關駁喉位鑽好哂窿，但搵唔到啱粗幼的喉管，因唔想拖唯有擱置。
其餘只是跟說明書砌好，這盒100%直砌求求其其地完成。
No comments:
Post a Comment