Aoshima - 1:24 Toyota Celica LB 2000GT

第一代豐田司力架都代表七十年代的飛車一族。早幾年已砌過第一代有尾箱式的1600 GT型號，今次砌埋揭背式的2000 GT型號。

模型是復刻版，設有電池和摩打位，頭尾燈還設有用來放燈泡的空位。

先將車頭蓋上的疏氣口弄開，重刻過所有panel lines，然後用800號沙紙濕磨整個車殼。


先裝上車轆假組一次，車身的高度尚算準確。


車身顏色選用一隻另類啲嘅色，希望出來的效果唔會太核突。試了三隻有銀底嘅油加透明綠，結果選擇金色(#9)加透明綠(GX104)。


先噴上金色，再慢慢平均地噴上透明綠。


在等待車殼油漆乾之際先轉砌內籠，車底背面就是車廂地台。


放於車頭的電池匣已沒有用但仍要靠它來托住錶板，匣邊好明顯地露出錶板底部需要鋸走。

匣邊雖已鋸走，但中控台錶板底部變得空空的。


用鋸出來的碎件返轉加膠片填補番啲缺口。


修補後睇落ok順眼。


車窗玻璃的透明膠通透度好差要重新打磨拋光。


用1200及2000號砂紙切底濕磨玻璃內外兩面，再用由粗至幼的打磨膏《３種》拋光，最後用模型蠟作最後拋光。


打磨前後的分別。


不打磨車門窗是因為打造開著窗的型態，兩邊門窗要鋸走。


餘下步驟都是跟說明書直砌。

孖埋個兄弟來個大合照。