Yahoo!Blog要執笠，早在九月已開始執定包袱走人，但唔知係咪臨收檔所以個系統冇人mon住，執咗兩個幾月都未執完！氣憤下多次向客服反映，但回覆永遠都是「問題正在硏究中請耐心等候」！終於到十二月頭才攪掂！
包袱執好，下一件傷腦筋嘅事就係要搬去邊！？看到好些blog友都轉移陣地到Blogspot，看來都係跟大隊，唔會衰！經過一輪漫長和沈悶的搬家過程，終於可以正式搬入到呢個新竇，但新竇在格式上與舊有的有點分別需要啲時間去適應，當將所有文章、圖片整理好後，發覺有些舊有的相和留言冇咗，舊相好彩自己有備份可以上載番，但失去了的舊留言就冇辦法啦！體驗到甚麼叫上屋搬下屋，唔見一籮穀！但無論點都無損寫blog的興趣。希望以後能夠繼續與各位師兄、師姐、和各路同好分享及交流。
此外，特別唔該吱吱兄嘅幫忙和提點，還有鏡兄嘅打氣鼓勵！
No comments:
Post a Comment