Fujimi - 1:24 Toyota Estima G/X

2012 已過了差不多個半月都未有寫blog，事實上近排冇乜mood砌模型。但眼見房裏個層架啲模型已塞得無可再塞，無奈地係時候要清咁啲存貨。首先係清除一些以前砌落但未完成的爛尾模型。

第一盒要完成係呢盒四年幾前入嘅，當初諗住砌好送比人，但砌得七七八八時發生隋車意外，轆的轉軸趺斷咗，此外車身表面的漆油又因烘得過熱出現龜裂，雖然之後有重噴番但睇到啲轆甩皮甩骨就冇心機，所以就將它擱置一旁。

幾年後嘅前幾天發覺既然車殼已噴番好，車內籠又已經攪掂哂，無謂嘥咗盒模型，所以只好完成佢。

車轆已經趺到殘廢哂，唔想花時間去修補，所以全部轆都是黐死哂轉唔到，但前轆轉向就冇問題。

這亦算是2012年第一件完成品。