終於買到蝦片可以復工啦！但一開始發覺原來四隻迫力碟還未上色，所以攪攪佢先，迫力碟表面會被蝦片遮住不需要上色，最主要係油好四隻鮑魚，此外覺得車殼啲黃色唔係噴得咁均渾，略加打磨後和迫力碟一併再噴多層黃色油。
次入的是KA Models出嘅蝦片，Crazy Modeller嗰套相信已經絕跡了！都好，有啲新鮮感，其實和上套蝦片一樣，只是某些細節上加加減減。最明顯的是每隻迫力碟簡單化成只有對外露出的表面兩片，但就較多內籠方面的細節，幾適合砌開篷版時用。
開始黐蝦片，黐完四隻碟後跟住黐埋副偈，最欣賞兩個Cam Cover之間嗰個紅色拉利章，幾有立體質感。
車廂及偈的蝦片已黐完，但車廂的蝦片唔係咁顯眼，裝埋個車殼更加會睇唔到！
黐埋車殼所有的蝦片水貼，一一年第一件完成品出爐！同時亦可以準時交貨。
相關網誌；
Happy chinese new year to u
ReplyDelete[版主回覆02/02/2011 03:51:00]祝豬兄新年快樂，身體健康，萬事勝意，來年再寫多啲好blog。
好野喎 開左窗係正D喎，紅黃兩車兩套鈴都唔同架播，我比較喜歡紅車果套鈴
ReplyDelete[版主回覆02/10/2011 15:39:00]再正嘅都只不過係照住來砌啫 ，都唔夠Tom兄你嗰架勁改鯊魚開大口咁堅 ！兩套鈴都各有特色，兩套我都鐘意 ，可惜只能keep一套。
Le Mans 戰車齊齊砌 模型聚會將於 3月20日(Sun, 約 2:00-6:00 pm ) 舉行，你 OK 嗎?
ReplyDelete[版主回覆03/02/2011 17:36:00]近排好忙又有功課做，冇乜時間砌嘢，架512S只係完成咗一半，希望可以盡量抽到時間响20號前攪o店佢啦！如果完成唔到我都會帶兩梳蕉出席嘅！