終於買到蝦片可以復工啦！但一開始發覺原來四隻迫力碟還未上色，所以攪攪佢先，迫力碟表面會被蝦片遮住不需要上色，最主要係油好四隻鮑魚，此外覺得車殼啲黃色唔係噴得咁均渾，略加打磨後和迫力碟一併再噴多層黃色油。
次入的是KA Models出嘅蝦片，Crazy Modeller嗰套相信已經絕跡了！都好，有啲新鮮感，其實和上套蝦片一樣，只是某些細節上加加減減。最明顯的是每隻迫力碟簡單化成只有對外露出的表面兩片，但就較多內籠方面的細節，幾適合砌開篷版時用。
開始黐蝦片，黐完四隻碟後跟住黐埋副偈，最欣賞兩個Cam Cover之間嗰個紅色拉利章，幾有立體質感。
車廂及偈的蝦片已黐完，但車廂的蝦片唔係咁顯眼，裝埋個車殼更加會睇唔到！
黐埋車殼所有的蝦片水貼，一一年第一件完成品出爐！同時亦可以準時交貨。
相關網誌；
