富記新出咗盒冼拿嘅最後戰車模型，真係想買番盒砌懷緬吓呢位偉大的F1賽車手，想起那時他和普魯斯場場都鬥到你死我活好剌激緊湊。那場San Marino賽事我都有睇現場直播，見到冼拿炒車一刻還以為他會冇事只是喪失分站的奪標機會，事關車手基本上比架車包實哂，就算架車炒到飛起散哂車手都會冇乜事，放且佢架車唔算炒得好散，點知炒完車後見他冇乜反應還要出動到救護人員拹助，心諗唔係吔冇咁邪啩？終於他就是比自己架戰車個飛轆撞死咗，唉！！！聽到他的死訊後我都冇乜心情睇埋場賽事。
講番盒模型，唔知係咪日本Yen升咗值抑或Williams個特許權特別貴抑或其他原因，初初見到都要四嚿水，至平都要三嚿到泯泯，環記仲離譜賣六嚿，同樣價錢足可以夠買兩盒1:16嘅拉利模型有多！放且盒模型水紙冇香煙logo，要買埋香煙logo水紙又要花額外嚿幾兩嚿，夾埋要成六嚿，差少少就可以買到孖星架1:12 波子935 Martini！
咁貴實在遠超我嘅預算！唯有繼續在心中懷緬這位偉大的巴西籍F1賽車手！
一入嚟仲以為你買左呢兩盒好野
ReplyDelete[版主回覆03/30/2010 13:50:00]兩盒都係好嘢，兩盒都好想買，但兩盒都好貴。如果今晚嗰六個冧巴生生性性嘅，將來就可能會有製作篇啦 ！
事實太貴。
ReplyDelete[版主回覆04/04/2010 17:25:00]事實貴得離譜！
如果有就........勁la~
ReplyDelete[版主回覆04/27/2010 03:14:00]繼續期待中 ，仍然唔捨得買！