嘩，好耐冇post嘢上個Blog啦！
有日响街見到架淺藍色嘅Cube，四四方方覺得幾摩登幾趣緻，心血來潮走去買咗盒模型砌。成盒模型我幾鍾意套拎，覺得幾classic feel，我第一件事就係將套拎浸咗跟着噴上白色。
上綱摷咗啲參考圖片，發覺呢類Cute Car車身無論上甚麼顏色都好睇，有幾多發揮空間。因此不打算依照說明書上色，而發揮吓自己的想像力去為整架車上色，但用甚麼顏色作為主色現階段還未有定案，但應該會是淺色和自行調教的，因一來市面冇乜現成嘅淺色漆油，二來自行調教會獨特啲。
全車上上下下﹝尤其是黑色的部件──車底和車廂﹞都要先噴上灰或白色底漆打底。
噴好底漆後，首先砌車廂。車廂選用了淺灰白色(Gunze #325)作為主色加上少少淺綠色(自己調教)點綴。
車身方面選用了比車廂更淺嘅綠色(又是自己調教)；車頂則用了白色(Gunze #GX1)，趁埋套白色拎‧‧‧唔，覺得有啲似概念車嘅顏色配搭。在調教粉綠色時因預少咗份量，差啲埋唔到尾
，所以往後嘅工序要好小心，如有任何弄花就冇油執
。
噴完光油後，噴埋車殼塑膠部份，車殼總算攪o店。攪埋啲細節，有驚無險，大功告成！今次初試以自己的心水去上色效果幾OK，除了玻璃框用黑色外，全車看得到的地方沒有一處是用黑色或深色的，唔知套用响部真車度效果會點呢？
連車底都冇用黑色咖！
盒模型有兩個唔同嘅front fender，可以有兩個版本
我叫emily呀..我想問你間cube模型係邊買架?????
ReplyDelete[版主回覆06/18/2009 13:18:00]Hello Emily, 我呢盒係响銅鑼灣間「頑求」(中文譯音)買嘅，呢間舖頭賣嘅模型比較貴，妳可以去旺角啲模型舖逛吓，價格較相宜。我呢盒最平可以搵到大約$12? 。
我買左啦..係旺角..只要$140.....唔該哂
ReplyDelete你整得好靚呀,有咩方法可以幫佢整到咁光滑?????????
[版主回覆06/21/2009 01:20:00]$140 OK 喎！其實實物冇相中咁光滑咖！不過如果要噴得靚，基本功係噴油嘅時候落油要平均，即係如果由車頭噴到落車尾，噴筆(罐)的移動速度要平均順暢，不可太快或太慢或有停頓。噴完顏色油待乾後可噴上幾層透明光油增加亮度。但這只是最基本的工序，要噴到好完美無暇，還有很多嘢要注意，我自己都在摸索階段。不過砌模型最緊要係享受砌嘅過程，砌得靚與否只是其次，砌多幾次自然會有進步。Happy modelling
係呀....越砌越好玩....
ReplyDelete[版主回覆06/27/2009 16:09:00]至緊要好玩嘛...砌好post上個blog度睇吓！
救命呀.......我又要煩你啦!!!!我上左光油,家陣一粒粒又唔平...好ugly...點解呀?????快快救救我..有咩方法可以洗左去呀定係要買個間砌呀....哈哈!!!
ReplyDelete[版主回覆07/02/2009 03:16:00]哦，我都試過噴衰過好多次啦，好平常啫no big deal！雖然我唔知妳所講“一粒粒”係咩情況和有幾廣泛(只是一部份或整個車殼都係)。如果係一部份嘅，妳可以嘗試用1000粗度的水磨沙紙在水中將不平滑的光油表面磨滑，當妳發覺打磨的範圍已磨到完全朦哂和平滑後，妳可以從新將整架車再噴光油。但注意如果已噴的光油層太薄的話，用上述方法磨會連顏色層都磨走埋。
如果不平滑的範圍太廣，或打磨時廣泛地磨走了顏色漆油，那麼妳或訐要將整個車殼所有的油漆一併洗掉，再從新上色和噴光油。我通常的做法是用幾小片化妝綿花沾滿開油水慢慢將所有油漆抹走，工序很簡單但很花時間又污穢，要有一定的耐性。注意開油水是揮發性和惹火液體對身體有害，做時一定要帶口罩和手套兼空氣要流通...
再唔係嘅就不如索性買過盒新嘅，但在我而言這畢竟是嘥料，當到了無法挽救的地步時我才會這樣做。呀，話妳知，「頑球」做緊discount，呢盒模型折了後賣唔使$120。GOOD LUCK!!
P.S. 呀，妳知唔知當濕度太高時(~80%+)係唔適宜噴光油？因為空氣中嘅水份會被噴出來冷的光油凝結化成水氣集結在光油表面，使表面變成啞(不反光)。
唔該哂...好長細呀...真係多謝你呀!!!!!等我試下先......謝謝!!!
ReplyDelete[版主回覆07/08/2009 00:17:00]唔駛客氣，have fun.
這輛EX的車鈴其實比真車小了一點...這亦是很多Fujimi產品的缺點, 看下去總是有點不自然. 但除此之外, 車身看起來已甚像真了(當然還有良兄的優良組裝技術啦!), 可想而知富記自那時(2004年)起的鑄模技術已提升, 比90年代中後的產品好了許多.
ReplyDelete好勁呀你
ReplyDelete多謝！
Delete