呢盒模型其實係冇心買，當時在一個網站上見到盒模型做緊discount，一心諗住想八卦吓加埋運費後要幾多錢。我模擬定購盒模型，點知因我是那個網站的會員，它已有哂我信用卡付款嘅資料，當我一confirm地址後，整個交易已經完成咗，想返都返唔到轉頭，今次真係衰多手
。盒模型連郵費原來和响舖頭買一樣(可能仲貴啲)，又多盒存貨... 以後都係唔好咁衰多手！
其實N年前已經砌過同一款車，那時只有1989年銀色款式
，車身圖案很簡單和沒附有蝕刻片。當時都好有心機砌架車，副偈拉哂線，雖然手工麻麻，但而家睇番都幾回味當時砌的過程。今次孖星出嘅係1988年款式，雖然係舊模新花，但就勝在車身圖案夠特別。今次錯有錯著又有機會砌同一款車，加上從網上下載了好些較高質素嘅內部參考圖片，所以今次亦打算一如以往加啲細節。既然要大攪，除咗模型本身附有的蝕刻片外，還入了ScaleModeler嘅蝕刻片，但妹仔大過主人婆
！現在手頭有兩塊蝕刻片
，有排砌。除咗加入蝕刻片和拉線外，還打算攪埋個駕駛艙，但砌好後駕駛艙情境是幾乎看不到，所以需要略略加工一下，例如打開車門。既然看得到駕駛艙的情境，有些基本的設備是要額外加上，例如防滾架等。
OK，計劃就有啦，打鐵趁熱整杯咖啡──開工
。希望唔會爛尾啦
！
。希望唔會爛尾啦！
