Fujimi - 1:24 Ferrari 550 Maranello

繼續清存貨，今次揀呢盒貪佢少parts易砌可以快啲起貨。模型啲質素一般，尤其是兩張椅，簡直係求其過求其，但為求盡快攪o店佢，所以都唔會諗住點改。

先將車頭車尾部份身黐埋，發覺原來唔係咁fit，好彩唔係噴好哂油先至黐埋如果唔係就有排攪。之後再將全身打磨，去水口線。


車底係咁「椅」將整塊噴半啞黑色因為manual都冇教要點特別上色，之後自己忍受唔到成個車底都黑猛猛，所以將死氣喉部份噴上銀色。就當係特別加工啦！

上灰後，車廂噴淺啡和黑色。


椅背需加貼膠紙上色來遮蓋露出的椅殼部份。

簡簡單單上埋細節嘅顏色，車廂攪掂！

每次砌都唔知車殼噴乜嘢色好，苦無頭緒下唯有用番拉利嘅傳統顏色，呢隻係郡氏158號(Super Italian Red)，感覺好似冇拉利隻紅咁鮮色。


窗框有凸邊，唔貼膠紙用手小心油都唔會油出界。此外，內籠天花及各車柱都塗上內籠顏色。


鬼面罩兩盞頭燈挖空再從後貼反光膠紙作內胆。


攪埋其餘啲手尾，終於可以臨年尾前起多件貨。















咦，同樣係1:24，點解當架550拍咗埋架599時，好似細咗半個碼咁嘅？唔係啩！？