2008模型展覽

今日去咗上環參觀咗一個模型展，今年的作品除咗兩座以雷生春 (pic 1) 和舊徙置區 (pic 2) 做主題的情影模型較有親切感和精細外，其餘都冇乜特別。至於參觀完後最想砌嘅就係Terminator中的Cybot (pic 3) ，唔知邊度有得買呢？
今年場內發售的主要都是grade up部件，唔知係唔係因為市道唔好，影響咗購物意慾，覺得乜嘢都貴，最後只係買咗兩樽模型油，分別為拉利銀藍和Impreza金屬藍 (pic 4)。(pic 1)

(pic 2)

(pic 3)

(pic 4)

Seafood price for Nismo GT-R R35

噚晚落MK兜咗個round，發覺孖星架落埸版戰神已經到咗，價錢由最平到最貴相差成$78(参考下面)，直程可以平平地買多盒模型砌，真係誇張。可惜家中存貨爆棚，所以最終都忍痛冇落手。
千、英、偉：$250宏：$268偉附近商場(唔記得個名)：$240新：$230 (最平)環：$308 (最貴)

Fujimi - 1:24 Honda CR-X del Sol VXi (Test colour project)

呢盒模型已經買咗N年，但每次打開盒都冇乜興趣砌因為質數麻麻。今次打算用佢來做實驗車，因為想玩吓噴金屬油(即有銀底的顏色)。最難的地方想信係透明油要噴得均勻，如果唔係就會深淺一撻撻。而且要由淺至深慢慢一層一層噴。 

唔，今次試驗效果唔錯，以後可以溝吓色試吓，事關模型金屬油種類實在太少了。

Tamiya - 1:24 Nismo R34 GT-R Z-tune

前排砌完架R35又想砌埋架R34。

開始砌之前為增強效果先將前指揮燈位和座椅的安全帶窿挖空。


先砌車底，前後懸掛及車轆。細緻度尚可，因冇engine砌所以前懸掛都係好求其。

先用1000號灰色底漆為車殼和車廂零件打底，車廂需要噴紅色的地方再噴一層白色底漆。

先為車廂上色，首先在紅色的部份噴上半啞紅(#108)。

用膠紙黐著紅色部份再噴上半啞黑(#92)，然後執埋車廂其他部份，大功告成。

整完車廂後，著手油玻璃窗框。先用保鮮紙包着外圍作保護，貼上窗面貼紙然後用手塗上窗框。

遲遲唔噴車身因為唔知噴咩色，照計應該噴銀色但睇上去又好似唔係咁辣。把心一橫將全車噴啞黑色，睇吓效果如何。噴後又發覺幾cool喎，又唔使噴光油和拋光慳水慳力。

攪埋啲手尾，又攪o店，食碗麵。