第二次砌同款車，第一架是砌來送給朋友，今次是砌給自己的。
既然砌過甚麼都已駕輕就熟。相比孖星新出的MX-5我覺得這架砌起來有趣味得多，雖然parts準繩度及造工不及孖星，但勝在有偈砌，又有孖星欠缺的車頂軟蓬，感覺完整點。有時覺得如果模型造得太完美，砌起來會有點乏味！
先來處理好車殼，磨平所有分模線(其實唔明顯)、刮深所有panel lines、磨薄輪拱邊及將整個車殼濕磨，然後再處理好車頭、尾、裙腳、頭冚、兩側後鏡等部件。噴好底灰後，打算噴有銀底的紅色，所以先將所有部件噴上半啞黑色(#92)。
自己有兩種透明紅油──舊#47及GX102，兩隻色相比之下後者較深及濃。
車殼等部件噴上銀色(#8)後，再噴透明紅(GX102)。但噴了幾層透明紅後發覺隻色唔係太合自己心水，然而又不想洗油再來過，心念一轉改噴紅色(GX3)，乾涸後再噴超銀色(#159)，結果就出了這種怪怪的紅色！
引擎只是照說明書上色再裝落引擎艙。
富記的比例有點亂來，軚盤和孖星的相比，富記那個簡直像巴士軚盤那般大和粗！
車廂只做了少量雙色效果。
又發現漏件，安裝在車轆的四粒膠圈冇咗，好彩後備零件箱有。
輪圈噴上黑鋼色(#28)。
頂著車頭蓋的膠枝太粗了，自行用鐵枝屈另一枝代替。
上一次砌同款車發覺用水貼紙的車身logo貼好後好不顯眼，所以今次另購金屬logo代替，其餘步驟照說明書砌好。終於完成新一年第一件作品。
新舊交替
三代同堂
Also published in Facebook.
相關網誌：
Eunos Roadster (Mk. I)
Mazda Roadster RS (NB8C) (Mk. II)
Mazdaspeed Roadster (Mk. III)
Mazda Roadster MX5 (Mk. IV)
No comments:
Post a Comment