[WIP: Unknown - 30/8/2019]孖星1996年版的波子911 GT1拉花很特別，後來在市面搵到這呢盒1997年版，雖然製造商是重未聽聞過的UT Models (後來才得知是國內品牌)盒面賣相又並十分吸引，但$89的價錢可以買來一試。打開盒看見parts好齊全，車殼表面上做得唔錯連車頭都可以打開，拉花雖冇'96版般複雜，不過都引得好清楚。唯獨有些parts所用的塑料質地麻麻，引擎亦冇孖星咁細緻，總括來講盒模型嘅質素比我預料的好，以咁嘅價錢都算超值。首先先攪車尾，將上下兩部份黐埋去駁口。
車身噴上白油(#1)後可以黐拉花貼紙。
貼紙的質地有點厚，可能擺得太耐有點硬化跡象有些彎位落極軟化劑和風筒吹都貼唔實，最後要動用天拿水才攪得掂。拉花圖案比1996年版簡單許多。
但簡單不代表很快便完成，有很多地方都要執，例如車尾部份的拉花不夠長要自行用近似的油漆「加長」。
引擎製作簡陋零件又不太對位，只好草草地砌好，完成後亦不作打算展示。
車殼內部。
前煞車卡鉗加裝喉管但完成後不會看得到。
模型欠缺車頂天綫要自行加裝。先在車頂合適位置鑽個小窿，將燒溶拉長的膠條重車內塞出車頂裁好長短作為天綫底座；在底座中央鑽一個更小的小窿(0.4mm)，將燒溶膠條拉長到合適幼度作為天綫。
以上是十多年前已經做好，車殼已噴了光油但忘記是否厚得可以作打磨拋光，為防會磨穿再加多一兩層光油以防萬一。之前所噴的白色及透明光油可能已過了太久看起來有點暗啞，有些地方甚至出現了零星的黃色霉點，但沒辦法唯有補點白油遮一遮才再噴光油。拋光過後將車殼前、中、後部拼落底板上但尾冚卻蓋不下要調整一下接合位才勉強蓋得隠，但仍留有一條很明顯的隙縫！
1997 vs 1996
