求其開一盒砌。其實對Golf冇乜特別喜好，覺得它的外型代代都冇乜驚喜。
一開盒見到車廂地台嘅parts就真係唔比佢吹脹，一盒2008年出的模型竟然可以將腳踏啤在地台上，這種模式只會在上世紀七十年代Airfix的舊車仔模型才搵到，想不到Fujimi到今時今日還用這種舊模式鑄模！
唉，不過投訴都冇用，唯有自行改番好！雖然砌好後腳踏不會太看得到，但實在睇唔過眼，先將所有腳踏沿地台表面平鋸鋸走，直至車廂上色後才將腳踏黐回適當位置。
轉去處理車殼，將前、後泵把和裙腳等黐上一拼上色，覺得後泵把和車尾之間的駁口很不順眼(然而真車是有的)，所以將它填封變成一體。
車身顏色，真車普遍用的顏色黑、白、紅等睇落有點悶，決定用一隻較罕見的黃色。上好白底漆後，噴上自己調配的黃色，以黃色(#4)做主色混入六至七滴紅色(GX3)，調出來的色調比較settle點，但又不至於橙黃般深色。噴時加少量珍珠粉落油斗使隻色噴出來帶點反光銀底。
車底是自己憑空想像上色，分別用上silver (#8), burnt iron (#61)及半啞黑(#92)。
內籠選用黃、黑雙色配搭來襯托車身外殼顏色。先噴黃色(用回噴車身的黃色但沒加珍珠粉)混入啞光油(#188)一齊噴。
遮蓋好黃色部份再噴啞黑(#33)。
較早前鋸走的腳踏現黐回儀錶板底部。
車頭燈燈箱大部份都應是黑色，但說明書卻沒有指示要上色。
輪圈方面，不太喜歡這套原廠GTI輪圈但又不想另買一套更換，唯有將原本的電鍍洗甩再噴上黑鐵色(#28)，不太顯眼所以也不太礙眼。
其餘的只是指定功夫，完成今年第三件作品。
新舊兩代Golf比較。
Also published in Facebook.
相關網誌：
Volkswagen Golf GTI
Volkswagen Golf GTI 16V Rabbit
