另一架老車，呢架係孖星迎最近出嘅模型──豐田第一架生產車。砌咗一排Italeri產品，而家砌番孖星真係輕鬆好多，件與件之間的駁位又夾又準又隱陣慳番唔少功夫，唔使砌到講哂粗口！
第一輪先準備底架和車殼，未噴底漆前，首先將某些零件預先組合好方便唔使逐件逐件噴。車殼除去鬼面罩後的實膠。
底架和全車底噴上光黑(GX2)，底架、前後懸掛組件、死氣喉、油箱等加上光油(GX100)；車底中央木條部份髹上啡色；引擎噴上灰藍(#72)。
內籠改用深紅(#81)和灰(#335)做主色，地台用深灰色(#40)，錶版木啡色(#7+ #2+#110)。
前座兩邊窗不打算黐玻璃parts因而會露出木造內框，用膠片造兩邊窗框再油上木啡色補上。
來到車身，不太喜歡盒面般全黑色，車身中央改噴淺黃色(#1+#4)。整個車身原本之前已噴了灰底漆，但因應車身改噴一隻淺色，先再加多層白底漆打底。轆拎車頭燈等也一拼噴上淺黃色。
車身其餘地方和輪圈邊噴上黑色(GX2)。出來的效果冇整架黑色咁單調，但又不失老車格調。
估唔到整盒模型最難的地方是黐貼紙，車身中央線條要黐在和貼紙般幼突起部份上，很難黐得貼服和黐得靚。
上好光油、拋光及組合好埋其他零件，車子本身已經完成。
2015年8月29日上午1:48更新
隨模型還附有一個司機公仔容貌細節造得唔錯，既然包埋就索性上埋色擺埋入架車度。
100%完成！
2015年8月29日上午1:48更新
隨模型還附有一個司機公仔容貌細節造得唔錯，既然包埋就索性上埋色擺埋入架車度。
100%完成！
