Tamiya - 1:48 Citroën Traction 11CV Staff Car

砌咗部大拖頭後今次砌部細比例嘅車車，這盒1:48相當簡單，parts又少，一下子就可以完成。

這架盒面雖然係軍用車，但可選擇砌民用版。上了底漆後，車殼部份及車輪噴上深藍色(舊#5)，鬼面罩噴上黑色(#92)再油銀邊(X-32)，座椅只是底漆加點灰色邊(#40)。

車身及轆再加入較淺的藍色(#323)。

將所有parts砌埋一齊後又完成一盒，但噴油方面就做得麻麻！

Italeri - 1:24 Scania 164L Top Class 580CV

又來砌多盒拖頭，呢盒的廠花自己唔係不太喜歡。在網上摷過很多這款拖頭的參考圖片，發覺圖下這架拖頭的顏色配搭幾特別又幾有working truck感，所以決定模仿呢架拖頭的顏色上色。



紅色車架，每一件車架零件都要完完全全由本身黑色改噴紅色，較不着眼的地方都唔可以偷雞唔噴博睇唔到。將兩條車陣和附在車陣上分開倒模的零件合上但先不連接在車架因上色會有困難，噴上灰底漆再噴紅色(GX3)。


來到引擎，將整個引擎砌好，拉了點線，整個噴上底漆。


根據資料圖片，大部份外國的拖頭引擎整個都噴上同一顏色，我選擇了平實的灰色(#335)。


底架、引擎90%組合好，遲些會加點舊化。


轆拎中間部份噴上紅色，套上看效果。




車架用稀釋了的啞黑(XF-1)做了舊化，但好似有點overdone咗！


車廂只選用了平實的幾種灰色(#40, #331, #335)。



看回車架，越看越覺得舊化做得有點過了火，解決辦法將部份黑油抹掉(孖星Enamel油，用相關開油水塗抹不會抹掉紅色的油性油)，再番噴一層薄紅色減低舊化效果。


開始砌車身，相關零件噴上灰底漆及綠色(#340)及黑色(#92)。


這隻綠色本身是啞色，上貼紙前先上一層光油貼紙會「咬」得實點。因不是跟足說明書貼，只選用了少量貼紙。


另外從這張水紙加多幾個貼紙落車身。


車尾加了些cables點綴吓。


其餘步驟只是跟說明書砌好車頂兩側自製多兩條天線。完成！