Italeri - 1:24 Truck Accessories-Set II (Pivoting crane)

買呢盒貨車配件最吸引的一件是條吊臂，今次砌來加入之前砌好的拖車上。

吊臂所有parts全都在一個框框內。說明書將所有步驟都不分先後塞進一張圖裏，都頗難睇清楚應砌甚麼部份先。


整條吊臂會噴上紅色配合拖車的主色，經過一倫細讀說明書，將某些parts預先砌好除駁口，但不是件件都可以一次過黐埋


第一輪上色(紅色 GX-3)。


上埋水貼，噴埋光油。


加埋喉管，裝埋落架拖車上，全架車正式完成。












相關網誌：
Italeri - 1:24 L.A. Fire Dept Recovery Truck

Italeri - 1:24 L.A. Fire Dept Recovery Truck

呢盒模型唔使兩嚿水但卻比一般1:24模型多好多嘢，認真低砌。之前亦砌過一盒拖頭模型(爛尾中)覺得幾好玩所以又來開多盒，呢盒唔係拖頭但睇上去好似比拖頭複雜。

先攪車架，計劃會自行加多少少嘢落去，車的長度會増加，所以底架要加長。首先將部份parts裝上。


再三量度好要開刀的位置後將兩條陣鋸開。


加入模型膠管來延長底架。


確保兩條陣的長度及之間的距離一致，然後將駁口補強、打磨及上色。

加長前後的分別。


說明書上引擎組裝沒有上色的指引，引擎主體選擇噴上紅色配合車身的顏色，因找不到參考圖片，無法知道怎樣加入額外電線、喉管等細節來増強真實感。


將引擎試裝落車架上，因車架之前已加長，原本的傳動桿長度不能連接到後輪。因此傳動桿亦要加長，把不要的模型支架切一段出來套入傳動桿上(要確保支架一段的粗度跟傳動桿要相同)。


接駁時盡量保持整條桿筆直，駁口之間加入一小段鐵枝增強駁口韌度然後再加以補強、打磨及上色──完成。


裝上左右兩個油箱，車架部份大致完成。唯兩個油箱之間的駁口很礙眼，但為了保存整個油箱的電鍍表面冇辦法！


來到車身方面，車廂、尾廂、車尾及拖臂某些零件預先組裝好然後噴上底漆，頭頭幾件parts直接噴上白色底漆，噴了好幾層還未完全遮蓋到膠本身的紅色(可以看到有些parts仍滲著紅色)，之後改先噴灰色底漆然後再噴白底漆，問題解決了！不過如果可以重新再噴過的話會將所有都先噴一層薄薄黑色打底再噴白底漆(跟之前為Ferrari California準備上色之前的做法相同)。


噴好底漆之後噴一層粉紅色(#112)打底。


最後才噴上紅色(GX3)。紅色在有粉紅色打底下顏色較鮮色。尾輪輪轂則噴上黑色(GX1)。


貼好水紙後來一次假組。


上完光油後來到正式組裝，模型提供的纜索全部都是倒模出來一點都不像真。自製纜索，用三條線扭埋成一組造四組，再將四組扭埋一起，用膠水固定扭紋。


將倒模在絞輪上的索纜細節磨走。


將自製纜索捆在絞輪上，效果好好多


車尾的吊鈎原本和倒模的纜索連埋一齊，將吊鈎剪下中間鑽空然後塞入自製纜索。


車頂三條天線全部都自行再造過至較合適的粗度。


其餘部份只參照說明書組裝好。拖車大致上已經完成，只差預算額外加入的部份。














相關網誌：
Italeri - 1:24 Truck Accessories-Set II (Pivoting crane)