Hobby Boss - 1:35 M26 Pershing Heavy Tank

砌坦克砌上癮，又來砌多架坦克車，今次係Hobby Boss嘅出品，型號同是美國佬的車種。初看說明書發現盒模型原來有偈砌，在1:35坦克模型群中好似唔多見。今次呢架嘅車身唔係迷彩色，上色方面會較上一架M60A3簡單。

模型零件都分得幾散吓(至少散過孖星)而且都幾detail，很多細節都有顯現出來。為求快捷將大部份parts預先黐好才一次過上色。

但首要是砌好和上色好副偈先，因為當合埋上下半車身後就砌唔到，雖然砌好後未必會展視引擎部份。說明書的上色指示近乎零，所以參考圖片和You Tube片段對砌呢盒模型時很重要。按參考資料整個引擎艙壁都是白色，兩邊油箱、波箱和差速器外殼亦都是白色(但說明書卻指示油箱是紅色)。不過砌好引擎後蓋上外殼後大部引擎都被蓋住，如果將僅有的活門都關上的話，有冇引擎根本係冇分別，所以砌好後會考慮將部份活門呈打開狀態！


炮礅上有兩個窿，左面是潛望鏡；另一個唔知有乜用，在真車上兩個窿都各有一條凸出短喉管但模型卻沒有提供，唯有用棄置的模型支架鑽空中間造番兩條管。



車上兩枝機槍槍管前端都鑽空。


黐好哂所有配件上車身後來到上底漆，車身上半部大部份地方都是用筆將底漆(500號)直接塗上用點點的方法造成不平滑表面。在未噴主色前先噴一層薄薄較淺的綠色(#38+底漆)及半啞透明油(#181)作保護。


噴完美軍綠主色[Olive Drab 2 (#38)]後覺得隻色較想像中真車的顏色深色。


貼好貼紙後，用砂紙及銀油做磨蝕、甩青等舊化效果。


之後再加些沙塵效果[Sand yellow (#110) & Tan (#44)]，但當噴Tan時落手太重成架車變咗色，唯有噴番點美軍綠色補救 。補救後個人看都算ok。

Aoshima - 1:24 FD3S BOMEX RX-7 Limited Ver.

好明顯一睇擾擾流件件流件個盒面就聯想到狂野時速第一集Brian O'Connor (已故Paul Walker飾)所駕的戰車，亦只為了套拉花才會買呢盒模型，但可惜架車唔係電影中的Bomex Supra。

套拉花已經用了在另一部車，所以呢部唔會有拉花。車身前後左右都有外抱的擾流件，除了前擾流件外，兩側和後面都是附加上原本的車殼上，因此邊緣會唔夾突了出來。


解決方法是先鋸去原本車殼被擾流件覆蓋的部份才安裝上去。


黐上擾流件後噴上底漆，接口尚算平滑。


內籠只是全噴上深灰色(#40)。


因沒有了拉花，車身唔會噴原本模型的橙色，改噴自行調配帶有少少銀底的灰色，現時興啞色車身所以噴好後不打算噴光油。砌埋其餘部份加上尾翼，快快手又起多架。

Italeri - 1:24 Willys Jeep 1/4 Ton (Special Edition)

 

繼續砌多架軍事模型。呢架是吉普車的鼻袓，本來是軍事類別的模型，但卻有1:24出。

模型嘅砌法和1:35軍事模型一樣只是大咗半個碼。隨模型中有一本介紹這架車歷史和參考圖片的刋物，好有用。


整架車基本上內外都是全一隻美軍綠色。車身很多地方要預先砌好去駁口，然後才一次過上色。引擎加了些少喉管電線等細節。


偷空車蓬支架中間部份。

其餘部份都是跟說明書步驟砌和上色，又攪掂一件！

軍用及民用兩款吉普雙對比，各有各及共同的捧場客。而我就兩款都Like！