一踏入一零年就忙過不了。一月份內沒有時間砌模型，到二月份才有點時間。
今次係砌早三代的Skyline戰神R32，這盒模型是上年買嘅，見佢係孖星出品，平平地又未砌過，所以買黎玩吓。打開盒發覺連埋偈parts都唔係咁多，但車殼的倒模線就頗嚴重，車尾冚的倒模線周圍甚至有凹陷現象，要用畢地填補，車頭泵把上的兩個入風口也要自行開啟。
前期準備功夫做好後開始進行噴底油，車殼和轆拎噴白色、內籠噴灰色。等大約一日後車殼、轆拎和車底噴上白光油(#1)，但唔知啲白油係唔係擺得耐得滯或者光線問題，啲色感覺上好似唔係好白。
趁等緊白油乾之際，開始砌前後懸掛和偈。副偈砌好後睇落好齋好單調，砌落去如果有心機嘅話或者會加啲電線。
車殼噴上光油後，車廂噴上藍色(#110)，但最終只是部份座椅和門壁是藍色，其餘部份會噴上深灰色(#40)。將需要保留藍色的部份用膠紙遮蓋住然後將整個車廂噴上深灰色，包括儀錶板和軚盤。儀錶板某些部份再油上半啞黑色。
車身經過打磨拋光，草草地完成了一零年第一件作品。
最後整多兩張三代戰神合照先。
