2010 Model Project Summary

不知不覺又來到一年的最尾一日，又係時候統計吓今年嘅成績。今年好懶，完成的模型數目極少，只有五盒，但新購入和開咗工嘅就和以往差不多。至於支出方面...唉，又超出咗舊年定下的預算！

今年新購入模型：二十一 盒
[Mercedes Benz SL63 AMG Barbus Wheels] ; [Ferrari California (Close Top)] ; [Truck Accessory Set II] ; [Porsche 911 GT2 Road Version] ; [Porsche 356A Carrera Speedster] ; [Frigo-Trailer] ; [Eurocopter SA386 Dauphin 2] ; [Aston Martin DBS] ; [Lancia Delta HF Intergrale 16v Gr. A] ; [Ferrari 512S] ; [Ferrari 458 Italia] ; [Douglas DC-3] ; [Sea King "Flying Tiger"] ; [Lamborghini Reventon] ; [Ford GT] ; [Ferrari F430] ; [Fiat 500] ; [Alpine A110 1600SC] ; [Tools] ; [Garage] ; [Mercedes Benz SL65 AMG Black Series]

購入蝕刻片、水紙及改裝部件：三件
[SC430 GT (2006)] ; [Ferrari F430] ; [Aston Martin DBS]

今年開工但未完成：九盒

[Porsche 911 GT1 Evo] ; [Jaguar SS100] ; [Frigo-Trailer] ; [Douglas DC-3] ; [Lexus SC430 GT Mobil 1 (2006)] ; [Fiat 500] ; [Fiat 500L] ; [Ferrari F430] ; [Ford GT] ; [Ferrari 512S]

完成的模型共(包括翻新模型)：五盒(見圖)Nissan Skyline GTR (完成月：二月)

Porsche GT2 (Road Version) (完成月：六月)

Nissan Fairlady 370Z (完成月：六月)

Volkswagen 1300 Beetle 1966 Model (Restoration) (完成月：七月)

Eurocopter SA386 Dauphin 2 (完成月：七月)

希望來年會積極啲整多完成品啦！

Fujimi - 1:24 Ferrari F430 (Part I of II)

呢架430係第二次砌，不過今次係幫朋友砌來送比佢老闆嘅，是關佢老闆近排買咗架黃色同型號1:1比例嘅玩具。呢盒細廿四倍嘅預計出年一月當佢老闆生日時交車，雖然臨起貨日期還有一段日子，但趁着現在有些少空閒時間，拿拿臨攪掂佢，廢事到時臨交貨時冇時間砌撻Q。上一次砌嘅時候加入了Crazy Modeller嘅蝦片覺得效果唔錯，全部網件齊全唔再講，仲有埋由六塊蝦片組成嘅四隻迫力碟，非常精細(雖然裝了轆後唔係點睇到隻碟)，全套加埋都唔使一嚿水，簡直超值。


今次朋友雖然冇要求要加入蝦片，但在打磨車殼時自己都頂唔順啲倒模出來的實心網，所以把心一橫全部都挖空哂。遲啲入套蝦片補上。

裙腳和前泵把兩側的出風口預先黐上，將出風口配件的駁口磨走。


車身先噴上灰底漆切底地遮蓋紅色底色，打磨過後再噴上白底漆。


車底和內籠全是黑色，車底及引擎艙選用半啞黑(#92)；內籠則選用啞黑(#33)。


內籠用了全黑，砌好後會好難睇到車廂內的細節，所以為架車開開窗。上一架只開了司機位那邊窗，今次索性兩邊都開哂。



車殼今次會噴上黃色，但略兼郡氏隻黃色(#4)太淺色所以加了幾滴紅色(#108)，但上了色後發覺隻黃色又好似深了少少，可能滴多咗一兩滴紅色油。


冇偈砌，唯有在副偈表面上做功夫。副偈的Cam蓋形狀，真車很圓滑，但模型就較起角，所以要用銼將起角邊邊磨圓。



上了底漆後Cam蓋先噴上鮮紅色(#22)，但Cam蓋是粗糙不反光表面，噴上紅色後再加層啞光油(#30)。駁喉部份則油上指定顏色，為增強視覺效果，喉索用電鍍膠紙黐上。


整個Cam蓋上好色，引擎艙看得到的地方都盡量上色和拉了看得到的線。滅聲鼓也用電鍍膠紙遮蓋着增強視覺效果。


整架車要砌或油嘅都已經做哂，唯獨是還未買到蝦片(因為Crazy Modeller已停產，可能要入其他牌子蝦片代替)，剩餘的工序要「篙」住，包括噴光油。

未完，待續...

相關網誌；
Fujimi - 1:24 Ferrari F430 (Part II) w/ KA Models photoetch

Air Compressor problem...Fixed!

早陣子的氣泵斷電器漏氣問題，上週末落旺角「老千」搵配件，老板話新斷電器要一嚿半水，而且冇貨要定，如果連安裝要加多半嚿，埋單總共要兩嚿水。佢係咁sell我叫我拎個泵比佢send番廠裝，如果唔係自己盲中中駁錯線到時電親就唔好啦！我心諗比佢裝冇所謂，亦唔吝嗇嗰五十元，但要拎住嚿成十斤重嘅鐵一來一回，又唔知要等幾耐先攞得番，我不如自己試試，放且我對電器呢家嘢有啲認識，我唔信攪佢唔掂。

既然老千冇貨唯有行過一個街口嘅英記踫踫運氣，哈，點知人哋大把貨又係賣同樣價錢，所以即刻扑槌！

返到家即刻拆除舊斷電器，打開開關制電線箱，斷開舊斷電器的電線，安裝新斷電器，駁上斷電器電線，裝回開關制電線箱，開機試機，冇比佢電死，攪掂！！


雖然更換過程順利，但始終對用咗一年就漏氣很氣憤，唔通年年都要嘥百幾元去修機！？

Air compressor problem...again!!

都唔知有冇攪X錯，成千銀買個泵返來，用咗一年就發現漏氣，漏嘅地方唔係喉管而係控制氣泵開關的斷電器(記得上一個泵都係衰响呢個斷電器手上)，打開個蓋想睇自己修唔修理得到，點知忘記斷電，仲比佢電咗吓，真係火上加油！但打開咗都冇用，一大榨嘢响入面都睇唔到邊度漏氣，想DIY都唔得，真激氣！！！


唯有搵日走返去「穿你格」睇吓佢地有冇配件可以更換番，順便投訴吓！不過個老板咁寸都係貨物出門，話知你死。而且用咗成年，真係睬你都傻！

想請問各位師兄師姐有冇經歷過本人這個情況呢？如果有的話可不可以留言話我知整唔整得番呢？無限感激！

Revell - 1:72 Eurocopter SA365 Dauphin 2

砌得車車多悶悶地砌吓飛機，大比例嘅驚砌唔掂，先來架1:72嘅直昇機。咁細比例加上唔係日本貨預咗好多細節都唔會有而且夾口都會差啲，參考咗啲真機圖片後，發覺機身鋼板的夾口位和柳釘都完全欠奉，反而多咗度有窗嘅機門。但諗住直砌加上自己唔在行砌機，所以都冇乜所謂。

首先組合機艙的地台及控制台，這組件要和機身一拼組合，地台和機艙內壁噴上啞淺灰色(#36)；控制台則噴上啞深灰色(#40)。


因機艙在組合兩邊機身時便要裝上，當噴機身的顏色時要將整個機艙遮蓋住，機艙座位可以等到完成機身顏色後才黐上，機艙的窗位用膠紙封住。

組合機頂引擎艙及機身，跟着打磨中間條駁口線。因我不想機轆外露，所以將後轆冚預先黐上，但模型本身沒有提供前轆冚，可能要自行製造。


完成好打磨工序後可以噴白色底漆。噴好後上鮮紅色，尾鏍旋扇葉框部份是白色，在噴紅色前先剪兩個相若的圓貼紙蓋住。


機頂引擎艙和鏍旋槳噴上白色。


開始黐水紙。一開始就已經發覺水紙印錯，機尾白色間應是由右至左傾斜藍線靠機尾，但水紙卻是由左至右。唯有將藍線分開貼。


攪咗一輪，終於黐哂水紙，但白色部份太薄透哂底！


根據參考圖片，鏍旋槳面應是黑白間，槳末端是橙黃色；鏍旋槳底面全黑色。


油埋玻璃上的框框和其他配件，第一架飛機模型算是草草地完成。窗與窗之間有啲夾口唔係咁夾加上手工麻麻，有很大進步空間。







相關網誌：Fujimi - 1:72 Westland SeaKing "Flying Tiger"