Tamiya - 1:24 Porsche Boxster Special Ed. (restore painting)

曾幾何時將呢架車噴上蘋果綠色，可能底灰噴得唔夠厚，當噴上綠色時邊位滲番啲黃色底色出o黎，攪到冇乜心機完成盒模型劈埋一邊。早陣子執模型時攞番出o黎仍然係慘不忍睹，但好一盒模型又唔想就咁掉咗佢，所以決定同佢洗底。

經過半日洗底過程後，所有綠色都已經洗去，下一部是全車再噴番層底灰。


車外殼想噴淺色，所以噴多層白畢地。


車身本來打算噴白色，但好似太單調所以選用橙色。但郡氏隻橙色太紅，所以我用黃色(No. 4 Yellow)加適量橙色(No. 59 Orange)，溝出來的顏色幾合心水。但都係覺得太單調，所以嘗試在中央噴兩條銀線(No. 2 Black + No. 8 Silver)，出來的效果唔錯，但貼膠紙就貼到眼都矇。


噴了一兩層光油後發覺條銀線好似冇未噴之前咁拎。轆拎噴咗同條銀線一樣嘅銀色，噴多幾層光油和攪埋呟細節應該可以完成。


睇番之前未番噴嘅顏色，而家呢隻顏色好似順眼啲。






攪掂，食碗麵！

Tamiya: 1:24 Nissan Fairlady 300ZX Turbo

呢盒模型買咗好耐，嗰時環記仲有賣$100兩盒孖星，呢盒係其中之一，另一盒係NSX已經砌咗。兩盒模型之前都砌過但砌得唔好，所以再買來砌過。

早期的孖星車好多款包埋偈但造工就一般。最令人摸不著頭腦係車頭蓋是係透明部件，砌好後可以唔駛打開都睇到副偈，但唔知有冇人會咁樣presence架車呢？

之前已經砌過這部車，今次再砌已經冇乜新鮮感，所以都係直砌。依照說明書首先攪o店副偈和底板。跟着砌內籠，根據參考圖片真車的內籠是兩種近似的灰色，唔係好突出。所以用了兩隻比較大對比的顏色(啞黑和灰白)。


發覺啲水紙已開始有啲硬化龜裂，所以嗱嗱淋攪o店哂所有要貼水紙嘅部位先，包括尾燈和儀錶版。此外車殼方面噴上白色(GX-1)，上埋光油後油埋車的黑線。


攪埋啲手尾 ─ 完成。手工麻麻地，滲線出哂界好肉酸，但總算清咗一盒！