砌砌吓C9悶悶地，手多多又開咗另一盒模型砌。好耐冇砌拉利模型，今次呢盒係最近買嘅，呢盒係EM系列，所以都較一般模型多啲部件。因係舊模復刻版，因此部件的準繩度都差啲。
這架其實是硬頂車，但個車殼卻是開篷，車頂是由兩塊部件組成，一開始先將車頂組合，其中一件組件是係透明，驚會刮花，所以整塊一開始已經用膠紙封實哂。車頂邊與A柱位置唔係咁啱位，所以要用夾和AA膠來固定位置及強化駁口，再用補土填平駁口。此外車頭底部亦是一塊過，所以也要預先組合。磨滑後發覺駁口還有些少瑕疵和不平滑，所以又要再補過。
做好前期車殼準備功夫後轉砌引擎，雖然引擎由很多部件組成，但唔算難砌，上好色後睇落都幾精細，諗緊好唔好拉埋線，但這不是我最喜歡的型號，所以都係齋砌算吧。下次砌硬頂或開篷型號時再考慮吓。
車底和車廂噴上啞黑色。其餘部件均照着上色及裝堪。
除咗車殼，其他所有部份都攪o店哂啦！車頭燈打算用明燈，所以頭燈部份要作些改動。攪掂後可以噴底漆。車身要噴雙色，車頂白色；車身銀藍色。隻銀藍色係自行調教的，但各顏色的成份已唔記得啦，但當中應該有銀色、中藍色、透明藍色等。噴出來的效果唔錯，幾合心目中的藍色，隻色應該都幾適合其他車款上用。但可惜只調教了一小樽，最多噴多一、兩架車就用完！
上好色和光油後油埋啲細節位和裝上頭燈，車殼攪掂。來到最困難的工序就是將車殼和車底嵌埋。因之前預先將車頭底部的parts合上，現在變了太窄唔夠位嵌埋車底。幾經嘗試都不成功，最後要將車尾箱的油箱parts拆除才夠位嵌得埋。因車尾箱是密封的，拆除那件parts後外觀都不會察覺到。總算完成今年第一部拉利模型啦！
草草組合埋其餘組件，終於有貨起啦！但手工就麻麻地。
