又過咗好耐冇update個blog啦！自從上次post咗話要大攪呢盒模型後，一路都有砌開但進度就時快時慢，有時幾日都冇掂過盒模型。已經砌咗成個月啦，希望唔會dum吓dum吓又不了了知啦！？
好耐冇砌過咁多貼紙嘅車車，呢架車仲成個殼都被貼紙包實哂，所以對我來講頗有挑戰性。整盒模型覺得最重要是舞得o店車殼上嘅貼紙，唔係嘅其餘部份整得幾靚幾精細都係嘥心機！
Jun 7
首先好有耐性地把司機位車門慢慢鎅開。車門有很多弧位和轉角位，加上窗框很幼易拆斷，所以每下落刀都小心翼翼，想快都快不來。
Jun 8
把車身、車尾和車門所有邊位磨薄。因蝕刻片有門鉸，所以要去掉車殼上的門鉸。
照參考圖片所見，車頭的頭板(B5)及車頭入風口兩邊的組件(D10、11)兩處地方和車身是一體的，所以要預先組合於車身上，用補土補平駁口。此外將前輪上的散氣口預先用蝕刻片封好。
Jun 9
至於防滾架，初初嘗試用膠條屈但不成功，因此買了一條2mm粗的銅管屈，這是第一次用金屬管，所以都係胆粗粗試吓咋。我根據尾板的弧度去屈終於屈到算比較似樣嘅形狀，而且還fit到落架車度，總算冇白費心機。此外車頂部份還有兩條微彎嘅bars，應該冇乜難度，但要諗諗點樣焊接因我未試過用辣雞。
今日去買噴車身的漆油，我打算用郡氏的#5藍色，因為顏色較深。但最近郡氏出咗新樽，就連#5都轉埋隻較淺嘅藍色──大鑊！四圍搵舊嘅#5，終於見到頑記有，但要一次過買半打，真激氣！左計右計覺得唔係咁化算，所以再踱多幾間模型舖終於搵到另一間專賣Gundam嘅有得賣，但就賣新價...冇法啦，唯有入兩樽！
Jun 10
用1mm膠片鎅成相等弧度還原番車廂兩旁的踏板，再用補土將駁口補平。
Jun 11
把引擎艙部件黐上蝕刻片。
Jun 12
為車殼、門、車廂、引擎艙支架、底板等上底漆。然後為車廂、底板、引擎、引擎艙支架等部件分別噴上銀、鈦和半啞黑色。之後繼續將蝕刻片黐上其他parts。
Jun 13-14
Jun 13-14
祈待已久終於噴車殼了，顏色選用郡氏深藍色(舊版 #6)，噴完睇落似黑色多過似藍色。跟着下一步來到最大的挑戰──貼水印紙。花了好幾個鐘才黐好哂啲貼紙，車身兩側的貼紙尤其難貼又大塊又薄又有彎位，要不停落水才可以將整張貼紙移到適當位置，總知黐到眼都朦
。不過值得一讚嘅係貼紙嘅質素，薄兼唔易斷，如果擺响度多幾年當啲貼紙硬化咗才砌，肯定冇可能貼得成。
Jun 16
將車廂兩旁和前板貼上CF貼紙。因車廂要加工，為被免刮花CF貼紙，先噴上一層薄薄的光油作保護。之後為引擎parts加工。
Jun 17-18
。不過值得一讚嘅係貼紙嘅質素，薄兼唔易斷，如果擺响度多幾年當啲貼紙硬化咗才砌，肯定冇可能貼得成。
Jun 16
將車廂兩旁和前板貼上CF貼紙。因車廂要加工，為被免刮花CF貼紙，先噴上一層薄薄的光油作保護。之後為引擎parts加工。
Jun 17-18
為引擎艙的兩支支架上色，因支架在砌好後最顯眼所以花多啲時間油好佢。本來想custom made埋條避震彈弓，但效果好似唔係好顯著，所以都係用番原模那條。一支支架連光油共用了七隻油，一件蝕刻片，一件自製部件。
Jun 21 - Jul 10
Jun 21 - Jul 10
近排比較多嘢做所以進度超慢，整段期間剩係拉咗部份引擎線，磨薄死氣喉，組合了一些配件，迫力黐好蝕刻片。
每塊迫力都有二至三塊蝕刻片(前二後三)，其中一塊黐邊的效果唔係好顯眼，所以索性自己鑽孔代替。但因迫力鉗和碟是啤埋一齊，好難改裝到，唯有淨髹油算。
未完‧待續 TBC
每塊迫力都有二至三塊蝕刻片(前二後三)，其中一塊黐邊的效果唔係好顯眼，所以索性自己鑽孔代替。但因迫力鉗和碟是啤埋一齊，好難改裝到，唯有淨髹油算。
未完‧待續 TBC
